Эриця кель: Суоми-угрань семинар Ине-Петрань ошсо

Geographylogo.png Лия кельтнесэ: русский • эрзянь

11 мая 2019

Микшнема раськень сувениртнэ «Финно-угорские проекты в области языка и культуры» семинарсонть.
В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

2019 иень чадыковонь 20-21 читнестэ Ине-Петрань ошсо ютавтозель кавто чинь промкс. Промксось анокстазель «Эрий кель» (русск. «Живой язык») проектэнь кувалт, тердезельть эрьва ёндонь финнэнь ды угрань раськень ломанть РФ-нь эрицятне. «Эрий кель» — те арт-проект, конась тевс нолды комиксэнь артома, кода келень ванстома кедь ёнкст. Васенце семинартнэ ютавтозельть Карелиянь Петроской ошсо 2015 иестэ. Пурнамонть ладицякс аштить Санна Хукканен (Суоми мастор) артыцясь ды Анна Воронкова — келень содыцясь (Рузонь мастор) (🔗; (Рузонь мастор), Катри Сильвонен (Суоминь мастор) 🔗.

Промксонть васенце чись алтазель инновациянь, тевень, проектэнь невтеманень, омбоцесь — комиксэнь артоманень.

Покш инжекс аштесь Арнау Бариос, Ине-Петрань ошонь прявт университетэнь каталононь келень ветиця. Сон ёвтнесь, кода сонзэ келезэ ютызе кинзэ; васня Испания масторсо кияк эзь макст келентень питне, неень шкане те государственной Испаниянь кель. Кода кортыть Каталониясо:

««Прявт тевесь — те кель. Тевесь аволь верьсэ, аволь чачома таркасо. Бути тон кортат каталонокс — тон каталонат!»»

— ёвтни Арнау. Секс ломантне якасть икеле шкане каталононь тонавтнема курос, киштсь ошга раськень киштемат.

««Фламенкось ды корридась — те аволь минь, неть киштематне аволь минек. Минек киштема лувонок лия!»»
. Ульнесь шка, зярдо те кельсэ лиснесь ансяк вейке кулялопа, Видстэ меремс, ульнесь аволь интересной. Ансяк ломантне яла теке рамсесть эйсэнзэ, те ульнесь вейкине лув лездамс келентень. Лавкава ульнесть сёрмадовкст: «Кортадо каталонокс, инескеть».

Ломанть лиснесть демонстрацияв келень идеме, вешнесть ярмакт сюпавонь кедьга. Неень шкане содавикс спортсмент максыть ярмакт, саемга, футболонь налксицятне. Арнаунь ёвтнеманзо видеось: тесэ.

Вепсэнь ломантне ёвтнесть лингвистикань театрадо, вепсэнь музыкань фестивальде, «музеень ве» ютавтомадо, этностудиядо (Шелтозеро велесь) ды этнофотостудиядо.

Карел месть ёвтнесть кулялопань «Сехте мазый раськень оршамопель» пелькстамодо,карелэнь флешмоб-киштемадо, карелэнь ярсамопелень пидемань кужодо, карелэнь стикердэ ды «Сампо мельга якамо» столень налксемадо. Видеось тесэ: (🔗)

Келень активистэсь — Евгения Лекомцева — невтсь, кода важоди «Ассоциация женщин Удмуртии» вейсэндявксось, истяжо ульнесь невтезь видеовал Анна Образцовань пельде (🔗), сон валморозей ды ютавтыця, комиксэнь артыця. Евгения ваны зярыя интеренет паблик мельга, вансты удмуртонь контент. Вейке иес пабликень ванныцянзо ламолгадсть 2000 ломаньс. Истя жо ёвтнесть, кода важоди мобильной приложения удмуртонь кельсэ, кода моли ярмаконь пурнамо удмуртонь мультфильма лангс.

АНО "Культурно-информационный центр «ИНТЕЛЛЕКТУАЛ» вейсэндявкссто састь Анастасия Галиева ды Вероника Мустаева Мари Эл масторсто эсь проект марто — «Школа национального блогера (SMM)»(🔗). Тейтертне ёвтнесть кизэнь «Финнэнь ды угрань школадо», кодат тосо лекцият, мастер-класст. Программась ютавтови Президентэнь ярмакпарго лангс.

Эрзятне ёвтнесть зярыя инициативадо: эрзянь кельсэ Википедиядо, конантень топодсть 10 иеть, «Азордо» — васенце эрязнь келень кинодо, конась снимазель государственной ярмактомо ды маштыця актертомо, «Эрий кель» он-лайн школадо, конась алтави эрзятненень эрьва кодамо ошсто. Истя жо невтезель эрзянь форумось — borda.ru, «Голос Эрзи» порталось, ёвтнезель Ромашкинэнь лемсэ «Торамадо», «Чилисемадо» ды «Сяткодо». Ромашкинэнь музей-кудосо самай ютась комиксэнь мастер-классось (🔗)

Кристина Сайгутина ёвтнесь мокшотнеде ды сынст тевдест: тесэ.

Удмурт месть невтизь столень налксематнень вишка эйкакштненень. Георгий Грязев ды «Удмуртия» книгань нолдамонь налксеманзо: [1]. Налксематне пек мазыйть, видестэ теезь, методикань тевс нолдазь. Вишка питнесэ — 150 рублей вейкенть кисэ. Бути ули меленк нолдамс эсь кельсэ налксема — пшкадеде «Удмуртиянень», конась кирди сёрмадыцянь прават. Проектэсь кирдеви Удмуртиянь раськень Министерствань лездамонь кувалт. Теде башка ярмактнэ сыть грантонь коряс. «Удмуртиясь» свал моли Московов эсь тевень невтеме, косо сонзэ уж вадрясто содасызь. Налксематне явшавить эрьва эйкакшонь кудова, сынст уж содасызь артовксонь лувонь коряс. Эряви сёрмадомс, Удмуртия — те вейкине республика, конась важоди ды ливти эсь кельсэ налксемат. Мезень коряс налксематне: удмуртонь богатырень, финнэнь ды угрань ломань ланга.


Ханты мезень невтизь Светлана Дядюн, Анастасия Тасманова. Ёвтнемась мольсь «Хантыйская маска» театрадонть, конась, кода эйкакштнэ кайсть, велявсть «Театр экспромтакс». Эйкакштнэ тонавтнесть истя кель. Неень шкане Казым ошсо, келень активистэнь лезксэнь кувалт, весе куротне сёрмадовить кавто кельсэ (рузокс ды хантакс). Семинарсо ульнесь микшнема таркаяк. Хантынь сувенирт: тейтерьавань мазыйгавтомат ды эйкакшонь някат. Някань руцясь ульнесь стазь, кода свал хантыть стыть, калонь кедьстэ.

Покш проект невтезель прикладной исследованиянь Обинь-угрань институтсо. Лемезэль «Электронный депозитарий по фольклору обских угров и самодийцев». Те порталсо кочксезь пек ламо ёвкст ды содамоёвкст. Эрьва ёвксонть эсензэ лопа, косо невтезь косто ёвксось кочказель, кие ёвтнизе, ёвтнемань аудиозапись.


Манси ломантне тердимизь эйкакшонь «Мань Ускве» стойбищав (прянь сёрмадстомась кизэнень панжовсь (🔗). Проектэнь анокстыцятне Анна Ларионова ды Оксана Гоголева, Саранпауль велесь.

Коми-пермякт ды коми-зырянт невтизь эсь «fulab» — коми келень цифровой программат, ванодо, кода те важоди🔗). Ёвтнесть театрадо, косо коми кельсэ невтематне молить малава эрьва чистэ, невтизь «Кудымкар ошонь артовкссо историянзо» эйкакшонь книганть, невтсть КВН лигаст ды кода «важоди» хештэг — «коми эрьва масторга». Те хештэгень коряс коми ломантне мукшныть вейкест-вейкест омбомасторга.


Наталья Антонова Ведлозеро весестэ (Карелия мастор) ёвтнесть «келень пизэдэ» («kieli pesä»), конанть теить зярыя велень тейтерьават. Неень шкане покш стакачикс ашти муемс 40 -иень карелэнь кортыцят, конатне савольть эйкакш марто важодеме. Секень марто Наталья невтизе ЮНЕСКОнь классификаторонть, конанть вельде невтеви ашти келесь ёмамо лангсо эли арась. Текень марто тевс нолдазь «ревитализация» терминэсь. Эли «келень вельмевтема».


«Келень пизэнь» идеясь сась маори раськестэ. Саамонь ломантне саизь тень ды аламодо витнизь эсь коряст. Мейле те тевесь пачкодсь карел видс. Васня маоринь кедьсэ те ульнесь эйкакш мельга ушова ваннома, ванныцякс ульнесть маори кельсэ кортыця тейтерьават. Истя 10 иень ютазь маори келенть ситуациясь вадрялгадсь. Те методикант саизь тевс инари-саамт. Эрьва «келень пизэнь» ули эсь этнотютор — те раськень кельсэ кортыця ломань (покштят-бабат, тейтерьават), конатне сакшныть 2-3 часос садикев ды ютавтыть налксемат, конатне икелев инокстазельть тонавтыця марто. Весе методикатне мукшновить Вконтакте лопасост. Сонсь садонть питнезэ 1500 руб/ков. Государственной лезкс тесэ арась, ярмакт пурныть ломаньга. Ловнодо тесэ «келень пизэдэ» (🔗).

Саам месть невтизь эйкакшонь курост, конат важодить «келень пизэнь» методикань коряс. Ёвтнесть келень кужодо Дом культурысэ. Истяжо ёвтнесть проект ланга, конанть коряс теить кезэрень саамонь раськень фотонь оцифровкадо. Истя жо невтезель саамонь электронной валксонь теемазо.

Ленинградонь областень водень ды ижорань ломантне ушодызь эсь невтемаст водекс кортамсто. Водень келесь малава ёмавтозь кель: неень шкане водь — те 60 ломанть, водекс кортыцятне — 8 (!!!) ломанть. Вейсэнь вийсэ сынь тейсть Сойкинэнь модаулосонть квест эйкакшонь туртов сюжет марто: эряви пурнамс одирьванть венчамо. Квестэсь алтазь цела раськенень — эрьвась мезе-бути теи: терди инжеть, пурны одирьва, пурны столь. Те квестэсь невтсь, што неень шкань эйкакшнэ а содыть калонь ды лугань лемть. Истя, квестэнь кувалт тонавтовить валт, койть, лувт, тонадови келень гайгемась.

FUFF — те финнэнь ды угрань кинонь фестиваль ды «Вирень школа». Проектэнь невтицясь Антти Наулайнен (Эстэнь мастор). Анттинь ёвтнемась: (тесэ) ды тесэ: (тесэ).

Антти корты:

«Кинонь снимамо таркась важоди уж 6 иеть ды тозонь сакшныть инжекс эрьва кодамо финнэнь ды угрань ломанть омбомасторстояк. Те «Верень школась» сонськак тердеви инжекс. Ютазь иестэ истя сакшнось манси мезнень. Тосо тонавтсть, кода снимамс эсь кельсэ вишка кинот, налксицятне истят жо од ломанть ды эйкакшт. «Школасо тонавтнить литературной кельть, ансяк кияк а тонавты визуальной кель. Мекс? Тенень истя жо явома покш мель»»
 

Вн. истя жо

Источники

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: найдите в ней самую первую правку; тот, кто её внёс, и является автором статьи. Если у вас есть замечания или предложения, первым делом напишите о них на напишите на форум.
 

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.
 


 


Эриця кель: Суоми-угрань семинар Ине-Петрань ошсо
Авторы